Sveinn Eyþórsson

Ég er klassískur gítarleikari, kennari, útsetjari og stofnandi vefsíðunnar The Guitar School - Iceland.

Ég fæddist í Hafnarfirði árið 1964 og hóf nám í klassískum gítarleik sex ára gamall hjá föður mínum, Eyþóri Þorlákssyni, gítarleikara og kennara.

Sautján ára gamall fór ég til Spánar til tónlistarnáms við Conservatori de Música Isaac Albéniz í Girona. Þar lauk ég kennaraprófi í klassískum gítarleik árið 1986. Ég stundaði einnig einkatíma hjá F.Garrido í Barcelona og hef sótt meistaranámskeið hjá meðal annars Oscar Cáceres, David Russell og Manuel Barrueco.

Ég kenndi klassískan gítar um árabil við íslenska tónlistarskóla, meðal annars Tónlistarskóla Garðabæjar og Tónlistarskóla Hafnarfjarðar. Samhliða kennslunni hef ég lengi unnið að útsetningum og gerð kennsluefnis fyrir klassískan gítar.

Árið 2000 stofnaði ég vefinn The Guitar School - Iceland, þar sem ég hef byggt upp umfangsmikið safn af nótum og kennsluefni fyrir klassískan gítar og gítarsamspil.

Ég býð nú einnig upp á einkakennslu í klassískum gítar í Hafnarfirði fyrir börn og fullorðna, bæði byrjendur og lengra komna.

Nánar um einkakennslu í klassískum gítar →

Menntun

• 1998–1999 – Högskolan i Skövde, Svíþjóð. B.Sc. með áherslu á upplýsingakerfi.
• 1994–1996 – Högskolan i Skövde, Svíþjóð. Nám í upplýsingakerfum.
• 1986–1987 – Einkatímar í klassískum gítarleik hjá F. Garrido, Barcelona.
• 1981–1986 – Conservatori de Música Isaac Albéniz, Girona. Kennarapróf í klassískum gítarleik.

Kennsla og tónlist

• Klassískur gítarkennari við íslenska tónlistarskóla um árabil.
• Á yngri árum starfaði ég einnig við fjölbreyttan hljóðfæraleik samhliða klassíska gítarnum. Árið 1987 lék ég á gítar og rafgítar í fyrstu uppfærslu Þjóðleikhússins á Vesalingunum (Les Misérables). Árið 1992 var ég einn af stofnmeðlimum Stórsveitar Reykjavíkur, sem stofnuð var að frumkvæði Sæbjarnar Jónssonar. Ég lék þar á rafbassa og faðir minn, Eyþór Þorláksson, sem einnig var meðal stofnmeðlima sveitarinnar, lék á rafgítar.
• Útsetningar og eigin tónsmíðar fyrir gítar og gítarsamspil.
• Höfundur og útgefandi kennsluefnis og nótna fyrir klassískan gítar.

Önnur starfsreynsla

Ég lauk síðar B.Sc.- námi í upplýsingakerfum í Svíþjóð og starfaði um árabil við hugbúnaðargerð og upplýsingatækni.

Ég þróaði jafnframt nemenda-og skólaumsjónarkerfið School Archive, sem var notað af fjölmörgum íslenskum tónlistarskólum um áratugaskeið.

Verkefni

• 2000– The Guitar School – nótur og kennsluefni fyrir klassískan gítar.
• School Archive – nemenda - og skólaumsjónarkerfi fyrir tónlistarskóla.

Hafðu samband

Sveinn Eyþórsson
📱Sími: 897 1202
📧 Netfang: sveinn@eythorsson.com